«Ինչ վերաբերում է երկխոսությանը, ապա այս տարբերակը տեսանելի չէ». Պեսկով
ՌԴ նախագահի մամուլի քարտուղար Դմիտրի Պեսկովը, մեկնաբանելով Հունգարիայի վարչապետ Վիկտոր Օրբանի խոսքերը Ուկրաինայի հարցով խաղաղ բանակցությունների անհրաժեշտության մասին, ասել է, որ նման հնարավորություն ներկայումս տեսանելի չէ։
«Ինչ վերաբերում է երկխոսությանը, ապա այս տարբերակը տեսանելի չէ և նախադրյալներ չկան։ Թեև մենք տեսնում ենք, որ ավելի ու ավելի շատ են քննարկումները ինչ-որ խաղաղ գործընթացի շուրջ»,- ասել է Կրեմլի խոսնակը։
Միաժամանակ նա նշել է, որ այդ փաստարկներում «չկա Ռուսաստանի նպատակներն ու մտահոգությունները հաշվի առնելու քաղաքական կամք» և հավելել է, որ Մոսկվայի համար դա առաջնահերթություն է։
