Կիևի զինուժի կողմից Շեբեկինոյի հրետակոծության հետևանքով տուժածների թիվն ավելացել է․ Գլադկով

Ուկրաինայի Զինված ուժերի կողմից Բելգորոդի շրջանի Շեբեկինո քաղաքի հրետակոծության հետևանքով վիրավորների թիվը հասել է հինգի, հայտնել է նահանգապետ Վյաչեսլավ Գլադկովը։ Այս մասին գրում է ТАСС-ը։ 

Լրատվամիջոցն ավելի վաղ հայտնել էր, որ Բելգորոդի մարզում մայիսի 31-ի լույս հունիսի 1-ի գիշերը Ուկրաինայի զինված ուժերի կողմից Շեբեկինո քաղաքի հրետակոծության ժամանակ 2 մարդ վիրավորվել է։

Վյաչեսլավ Գլադկովը նշել է, որ Ուկրաինայի զինված ուժերի կողմից հրետակոծությունը շարունակվել է մեկ ժամ։ 

«Նախնական տվյալներով կա երկու տուժած, մեկ տղամարդ՝ ձախ վերին վերջույթի տրավմատիկ ամպուտացիայով, վիճակը ծանր է»,- գրել էր Գլադկովը։ 

Նա հավելել էր, որ երկրորդ տուժածի վիճակը գնահատվում է միջին ծանրության։ Տղամարդն ինքնուրույն է դիմել կենտրոնական շրջանային հիվանդանոց։