«Պլյոնկաների» համար տուգանվելու են նաև ծառայողական ավտոմեքենաները․ ՆԳ փոխնախարար
Oրենքը որևէ բացառություն չունի, ազդում է նաև ծառայողական ավտոմեքենաների վրա։ ԱԺ-ում լրագրողների հետ զրույցի ժամանակ ՆԳ փոխնախարար Արփինե Սարգսյանը նշել է.
«Կա շփոթմունք, որ մգեցված ապակիների համար տուգանք նախատեսող օրենքը վերջերս է ընդունվել։ Օրենքը եղել է, չի գործել, քանի որ չունեինք սարքավորումներ, որոնք թույլ կտային կողային ապակիների լուսաթափանցելիության աստիճանը ստուգել»,- ասել է ՆԳ փոխնախարը։
Փոխնախարարը ավելացրել է, որ հիմա ունեն նմանատիպ սարքավորումներ, և կիրառում են օրենքը։ Ըստ նրա` կարգախմբերը հունիսի 1-ից ապահոված կլինեն բոլոր սարքավորումներով։
Ներպետական օրենսդրության իրավադրույթների և Մաքսային միության տեխնիկական կանոնակարգի համաձայն՝ մեքենաների առջևի կողային ապակիների լուսաթափանցելիությունը պետք է կազմի առնվազն 70 %:
