Իրավիճակը՝ Արցախում․ ՌԴ ՊՆ

Ռուս խաղաղապահներն Արցախի Մարտակերտի շրջանում Ադրբեջանի կողմից հրադադարի ռեժիմի խախտում են արձանագրել: Այս մասին տեղեկանում ենք ՌԴ ՊՆ տեղեկագրից։ 

 

Մարտակերտի շրջանում արձանագրվել է հրադադարի ռեժիմի մեկ խախտում։ Զոհեր և վիրավորներ չեն եղել։ Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այս փաստի առնչությամբ։ 

 

Նշվում է, որ ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Երեսուն դիտակետերում ռուս խաղաղապահները շուրջօրյա վերահսկում են իրավիճակը և վերահսկում հրադադարի ռեժիմի պահպանումը։ 

Մարտակերտի, Մարտունու և Շուշայի շրջաններում պարեկություն է իրականացվել երեք երթուղիներով։ 

Քաղաքականություն

Պատահարներ