ՏԵՍԱՆՅՈՒԹ. Կոսովոյի ալբանացիները, ՆԱՏՕ-ի ուժերի քողի տակ, գրավել են շրջանի վարչակազմերը
Կոսովոյի ալբանացիները, ՆԱՏՕ-ի ուժերի քողի տակ, գրավել են հյուսիսային շրջանների մունիցիպալիտետները՝ չնայած տեղի սերբերի դիմադրությանը։ Այս մասին հայտնում է Readovka տելեգրամյան ալիքը:
Կոսովոյում ՆԱՏՕ-ի կոնտինգենտի ուժերն արգելափակել են Զվեցանի, Լեպոսավիչի և Զուբին Պոտոկի մունիցիպալիտետների վարչական շենքերի մուտքերը, ինչը թույլ է տվել Կոսովոյի ալբանացիներին ազատորեն գրավել վարչակազմերը։ Տեղի սերբերը զանգվածաբար բողոքի ակցիա են իրականացնում կորդոնների դիմաց։
Սերբիայի Անվտանգության խորհրդի նիստից հետո տարածված հայտարարության մեջ ասվում է, որ ՆԱՏՕ-ի ուժերը, ի հեճուկս իրենց պարտավորությունների, անտեսել են Կոսովոյի անվտանգության ուժերի ագրեսիան և չեն կանխել Պրիշտինայի ինքնահռչակ իշխանությունների՝ իրենց վերահսկողության տակ առնելու փորձերը:
Ավելի վաղ Սերբիայի նախագահ Ալեքսանդր Վուչիչը հայտարարել էր, որ Կոսովոյում իրավիճակի սրացում է, քանի որ Կոսովոյի ալբանացի վարչապետ Ալբին Կուրտին փորձում է ապակայունացնել իրավիճակը տարածաշրջանում և գործում է միակողմանի։