ՏԵՍԱՆՅՈՒԹ. «Ծուխը դադարել է. ամենօրյա ռեժիմով հողային աշխատանքներ կտարվեն». Արեյանը՝ Նուբարաշենի աղբավայրի մասին
Շաբաթ օրվա երկրորդ կեսին աղբավայրի կրակը մարվել է ամբողջությամբ։ Այս մասին հայտնել է քաղաքապետի խորհրդական Կամո Արեյանը:
«Ծուխը դադարել է։ Աշխատանքներն իրականացվել են քաղաքապետարանի բոլոր ռեսուրսների մոբիլիզացիայով և մասնավոր ռեսուրսի ներգրավմամբ»,- տեղեկացրել է Կամո Արեյանը։
Քաղաքապետի խորհրդականի խոսքով՝ քաղաքապետարանի հիմնական ռեսուրսը եղել է ԵԱՍՄ-ն, մասնակցել է նաև մասնավոր 20 ընկերություն։
«2300 բեռնատար հող է տեղափոխվել աղբավայր։ Ամբողջ պարագծով հրդեհը մարված է, բայց աշխատանքները շարունակում ենք․ որոշել ենք մեքենաներով հողը ներկրել և ամենօրյա մշակում իրականացնել աղբավայրում»,- հավելել է Արեյանը։
Մանրամասները` տեսանյութում:
