Մենք թույլ չենք տա սպանել մեր ժողովրդին. Սերբիայի նախագահ
Պրիշտինայի նպատակն է իրար դեմ հանել Սերբիան և ՆԱՏՕ-ն։ Այս մասին այսօր հրատապ ուղերձով հայտնել է Սերբիայի նախագահ Ալեքսանդր Վուչիչը։
«ՆԱՏՕ-ի առաքելությունը, հակառակ երաշխիքների, չի պաշտպանել սերբերին Կոսովոյում և Մետոհիայում։ Կոսովոյի հատուկ ջոկատայինները «Կալաշնիկով» ինքնաձիգից կրակ են բացել սերբերի վրա»,- ասել է նա։
Իր խոսքով` առնվազն մեկ մարդ վիրավորվել է։
«Սերբիան կանի հնարավոր ամեն ինչ Կոսովոյում խաղաղություն պահպանելու համար, բայց թույլ չի տա սպանել իր ժողովրդին»,-ասել է Սերբիայի նախագահ Վուչիչը։
Նա նաև հայտարարել է, որ երեքշաբթի առավոտյան հանդիպում է հրավիրում արեւմտյան հինգ երկրների ներկայացուցիչների հետ։
