Մենք հիմա փորձում ենք Բաքվի հետ երկխոսության վերադարձնել Արցախի ներկայացուցիչներին. ՔՊ խմբակցության քարտուղար

ԱԺ-ում ճեպազրույցների ժամանակ ԱԺ ՔՊ խմբակցության քարտուղար Արթուր Հովհաննիսյանը նշել է. 

 «Միջազգայնորեն ճանաչված Հայաստանի Հանրապետությունն այս պահին առաջնորդվում է իր՝ միջազգայնորեն ճանաչված 29.800 քկմ տարածքի սուվերենության պահպանմամբ ու ԼՂ-ում ապրող հայ ժողովրդի իրավունքների ու անվտանգության իրացմամբ, որը մենք պատկերացնում ենք, որ պետք է տեղի ունենա Բաքու-Ստեփանակերտ խոսակցության միջոցով։ Այսինքն` ԼՂ հիմնախնդիրը խորացել է` Ռոբերտ Քոչարյանի կողմից Ղարաբաղը դուրս թողնելով բանակցային սեղանից, մենք հիմա փորձում ենք բանակցային սեղանի շուրջ ու Բաքվի հետ երկխոսության վերադարձնել Արցախի ներկայացուցիչներին, որտեղ նրանք կկարողանան իրացնել իրենց իրավունքներն այնպես, ինչպես պատկերացնում են»։

Հովհաննիսյանը հայտնել է, որ չի արձագանքի Արցախից հնչող ներքաղաքական հայտարարություններին։