«Ես վստահ եմ, որ Ռուսաստանը լավ ապագա ունի». Պուտին

Բոլորն ապագա ունեն, միայն թե այն տարբեր է, իսկ Ռուսաստանը լավ ապագա ունի, քանի որ ռուսաստանցիները գիտեն, թե ինչ են ուզում եւ ձգտում են գիտելիք ստանալ։ Այս մասին հայտարարել է ՌԴ նախագահ Վլադիմիր Պուտինը, փոխանցում է «ՌԻԱ Նովոստին»։

«Ինչ վերաբերում է ապագային, իրականում բոլորն ունեն ապագա։ Միայն թե այն տարբեր է: Սա է առանցքային հարցը։ Եվ ես վստահ եմ, որ Ռուսաստանը լավ ապագա ունի»,-ասել է Պուտինը «Գործարար Ռուսաստան» համառուսաստանյան հասարակական կազմակերպության անդամների հետ հանդիպման ժամանակ։

Նա նշել է պատճառները, թե ինչու է վստահ։ «Առաջին հերթին, մենք գիտենք՝ ինչ ենք ուզում եւ գիտենք, թե ինչ միջոցներով ենք հասնում մեր նպատակներին։ Երկրորդ հերթին, մենք հսկայական ռեսուրսներ ունենք, մասնավորապես, մարդկային ռեսուրսներ»,-ասել է Պուտինը՝ հավելելով, որ Ռուսաստանում կա կայուն կրթական համակարգ, իսկ Ռուսաստանի քաղաքացիները գիտելիք ստանալու ձգտում ունեն։