ՌԴ–ի, ՀՀ–ի և Ադրբեջանի ղեկավարների հանդիպման վերաբերյալ կանխատեսումներ դեռ չկան. Պեսկով
Ռուսաստանի նախագահ Վլադիմիր Պուտինի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի եռակողմ հանդիպման արդյունքների վերաբերյալ կանխատեսումներ չկան: Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Ո՛չ, կանխատեսումներ լինել չեն կարող։ Եկեք սպասենք հանդիպմանը»,- ասել է նա։
Նշենք, որ մայիսի 25-ին Մոսկվայում նախատեսված են Վլադիմիր Պուտինի երկկողմ հանդիպումները Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, որից հետո սպասվում է եռակողմ հանդիպում:
Ավելի վաղ Մոսկվայում կայացել էին եռակողմ բանակցություններ ՌԴ-ի, Հայաստանի և Ադրբեջանի արտգործնախարարների մասնակցությամբ:
