Խրենինը և Շոյգուն ստորագրել են միջուկային զենքի վերաբերյալ փաստաթղթեր
Բելառուսի և Ռուսաստանի պաշտպանության նախարարներ Վիկտոր Խրենինը և Սերգեյ Շոյգուն այսօր ստորագրել են փաստաթղթեր, որոնք սահմանում են ռուսական «ոչ ռազմավարական միջուկային զենքի» պահպանման կարգը երկրի տարածքում գտնվող հատուկ պահեստում։ Այս մասին հայտնում է ՊՆ մամուլի ծառայությունը։
«Ոչ ռազմավարական միջուկային զենքի տեղակայումը արդյունավետ պատասխան է մեզ անբարյացակամ երկրների ագրեսիվ քաղաքականությանը», - ասել է Խրենինը:
Նա նշել է, որ կողմերը միջոցներ են ձեռնարկել զորքերի տարածաշրջանային խմբի մարտական ներուժը զարգացնելու համար՝ անդրադառնալով Բելառուսին «Իսկանդեր-Մ» համալիրների և С-400 ՀՕՊ համակարգերի փոխանցմանը։
«Սու-25 ինքնաթիռները վերազինվել են միջուկային տեխնիկայում ավիացիոն զենք օգտագործելու հնարավորությամբ։ Բելառուսի Հանրապետության զինվորականները վերապատրաստվել են Ռուսաստանի Դաշնության զորավարժարաններում և գործնական հմտություններ են ձեռք բերել նրանց գործողություններում»,- հավելել է Խրենինը։
Հիշեցնենք` ՌԴ պաշտպանության նախարար Սերգեյ Շոյգուն ժամանել է Մինսկ՝ մասնակցելու Հավաքական անվտանգության պայմանագրի կազմակերպության (ՀԱՊԿ) անդամ երկրների պաշտպանության նախարարների խորհրդի նիստին։
