Իսրայելի բանակի հրամանատարը չի բացառել պատերազմն Իրանի հետ

Երուսաղեմում այսօր Իսրայելի պաշտպանության բանակի Գլխավոր շտաբի պետ, գեներալ Հերցի Հալեվին  չի բացառել պատերազմն Իրանի հետ: 

«Ըստ իս՝ առաջիկայում հնարավոր են բացասական զարգացումներ, որոնք կարող են հանգեցնել ռազմական գործողությունների։ Իրանի միջուկային ծրագրի առաջընթացն աննախադեպ է, բացի այդ, մեր շուրջ կատարվող ցանկացած զարգացում, ցանկացած թշնամի, որին մենք բախվում ենք, այսպես թե այնպես կրում է Իրանի ազդեցությունը», - ասել  է Իսրայելի բանակի հրամանատարը։