Հայաստանի Բերդ քաղաքում ոստիկանների կողմից կաշառքի հավանական շորթման մասին երեկվա հրապարակումից հետո բազմաթիվ արձագանքներ ստացա։ Ինձ նույնիսկ գրեցին երևանցի ոստիկան ընկերները, ովքեր հաստատեցին, որ ըստ ոստիկանության մասին օրենքի՝ աշխատողն իրավասու չէ որպես «գրավ» վերցնել վարորդական իրավունքը, և դա ոստիկանության զուտ կամայականությունն է։ Ավելին, ուսումնասիրելով բուն ոստիկանության մասին ՀՀ օրենքը, ես նույնպես բառ չգտա «ավանդի» մասին։ Այս մասին ֆեսյբուքյան իր էջում գրել է ռուս բլոգեր Ալեկսանդր Լապշինը:  

«Ավելին, ոստիկան ընկերներն ինձ գրեցին, որ ոստիկանը զրույց է սկսում .«Տեխզննում չունես, ո՞նց կորոշենք» բառերով։ - արդեն գերազանցում է կանոնադրությամբ թույլատրվածի սահմանները։ Եվ վերջապես, ըստ օրենքի, տեխզննություն չլինելու համար տուգանք տրվում է բացառապես մեքենայի տիրոջը, բայց ոչ վարորդին։ Ստացվում է, որ ոստիկանությունը ի սկզբանե, խսխտել է օրենքը»,- գրել է նա:
 

Երեկ երեկոյան ինձ հետ Բերդ գնացած հայ ընկերների հետ Երևանի սրճարանում նստած՝ հերթական անգամ հիշեցինք ու ոստիկանների հետ քննարկեցինք այս տհաճ իրավիճակը։ Եվ նրանք հիշեցին մի քանի կասկածելի պահեր, որոնց մասին սկզբում չէինք մտածում.
 

1. Երբ ես դիտում էի կադրեր Բերդ քաղաքից (մինչև մեզ կանգնեցնելը), կադրի մեջ մտավ նրանց պարեկային 2260 համարի մեքենան։ Նրանք կայանել էին Բիրդի գլխավոր փողոցում։
 

2. Հետո, երբ ես քայլում էի Բերդով և նկարահանում էի այս քաղաքի մասին տեսահոլովակը, տեսախցիկը ուղղելով դեպի ինձ, այս ոստիկանները նորից մտան իմ հետևի կադրը, նրանք նայեցին ինձ և ակնհայտորեն քննարկեցին մեզ: Միայն ավելի ուշ, երբ ավելի ուշադիր դիտեցի տեսանյութը, նկատեցի այն։
 

3. Ըներս` բլոգեր Հարություն Հակոբյանը, հիշեց, որ նույնիսկ մոտեցել է այս ոստիկաններին՝ հարցնելու՝ Բերդում սրճարան կա՞, և նրանք պատասխանել են, որ տեղացի չեն և չգիտեն։
 

4. Սա խոսում է այն մասին, որ այս երկու ոստիկանները մեզ Բերդում տեսել են մայրուղու վրա տեղի ունեցած դեպքից երկու ժամ առաջ և որոշել, որ մենք ինչ-որ «լոհա-վերաբնակիչներ» ենք Ռուսաստանից, միգուցե ՏՏ ոլորտի մասնագետներ ենք՝ մեծ աշխատավարձով և չգիտենք Հայաստանի օրենքները: Գաղտնիք չէ, որ ողջ Հայաստանը համոզված է, որ բոլոր այս տասնյակ հազարավոր ռուսները, որոնք ժամանել են, ընդամենը ՏՏ ոլորտի մարդիկ են և առնվազն միլիոնատերեր։
 

5. Հետո, հավանաբար, ոստիկանները տեսել են Հայաստանի համար անսովոր «Ալֆա Ռոմեո» մեքենա, որով մենք ժամանել ենք։ Մեր համարները հայկական են, բայց ոստիկանությունը, ըստ երևույթին, որոշել է, որ մենք այս մեքենայով եկել ենք անմիջապես Ռուսաստանից և պարզապես փոխել ենք համարները։ Նրանք վերադարձան իրենց պարեկային մեքենան և մեր մեքենան անցկացրին տվյալների բազայի միջով և հավանաբար պարզեցին, որ մեր մեքենայի տերը մի փոքր ուշացել է մեկ տարվա ստուգումից:
 

6. Բերդում ոստիկանները վախենում էին մոտենալ մեզ, ամենուր  տեսախցիկներ կային, քաղաքից դուրս ամայի մայրուղու վրա բռնելը ավելի ապահով էր։ Նրանք համառորեն մեզ երկու ժամ սպասեցին, մինչ մենք քայլում էինք, նկարվում, սուրճ խմում սրճարանում։
 

7. Երբ ավարտեցինք Բերդով քայլելը, վերադարձանք մեր մեքենան և գնացինք, իսկ ոստիկաններն անմիջապես ցատկեցին իրենց մեքենայի մեջ և դանդաղ քշեցին մեր հետևից: Այդ պահին ես նրանց նկատեցի հետևի հայելու միջից: Հետո դեռ մոտ 10 կիլոմետր հետևեցին մեզ, մինչև անցանք Տավուշի մեծ գյուղը, որտեղ նույնպես կարող էին շատ մարդիկ լինեին և հայտնվեցինք ամայի ճանապարհին։ Դրանից հետո ոստիկանները միացրել են թարթիչը եւ պահանջել են կանգնեցնել մեքենան:
 

Ոստիկանությունը ոչ մի օրինական հիմք չուներ տուգանելու ինձ տեխզննում չանցնելու համար (քանի որ մեքենայի տերը ես չեմ) և, առավել ևս, իրավունք չուներ խլելու իմ վարորդական իրավունքը: Այս ամենը բացարձակապես անօրինական է։