«Ադրբեջանի և Հայաստանի միջև խաղաղության պայմանագիրն անխուսափելի է». Ալիև

Ադրբեջանի նախագահ Իլհամ Ալիևը հույս է հայտնել, որ Ադրբեջանի և Հայաստանի միջև խաղաղության պայմանագրի կնքման շուրջ բանակցությունները դրական արդյունք կունենան։

«Մենք հուսով ենք, որ բանակցություններն ի վերջո կհանգեցնեն տեւական խաղաղության Հարավային Կովկասում, չնայած այն հանգամանքին, որ Ադրբեջանի տարածքները շուրջ 30 տարի գտնվում էին հայկական «օկուպացիայի» տակ, մեկ միլիոն ադրբեջանցիներ վտարվել էին իրենց տներից»,- հայտարարել է Իլհամ Ալիևը նախագահ Լիտվայի նախագահի հետ համատեղ ասուլիսի ժամանակ:

Ալիեւը նշել է, որ Նաուսեդայի հետ բանակցությունների ընթացքում քննարկել է Ադրբեջանի եւ Հայաստանի միջեւ խաղաղության պայմանագրի շուրջ բանակցությունները, ինչպես նաեւ տարածաշրջանային հարցեր։

Ալիևն ասել է, որ Բաքուն ամեն ինչ անում է հարաբերությունները կարգավորելու համար, կառուցողական ջանքեր է գործադրում, և հավելել, որ Ադրբեջանի և Հայաստանի միջև խաղաղ պայմանագիրն անխուսափելի է և «պետք է համապատասխանի միջազգային իրավունքի նորմերին ու սկզբունքներին»։

Հիշեցնենք` Մայիսի 17-ին Սոթքի հատվածում հայկական դիրքի ուղղությամբ Ադրբեջանի ԶՈՒ բացած կրակի հետևանքով կյանքի հետ անհամատեղելի հրազենային վնասվածքներ ստացած զինծառայողը, մինչև հոսպիտալ տեղափոխվելը, զոհվել է:

Հվելենք, որ արդեն 162-րդ օրն է՝ Ադրբեջանը արգելափակում է Լաչինի միջանցքը: