Մանկապարտեզում թունավորում ստացած երեխաների թիվը 16 է. ինչ վիճակում են նրանք

Հայտնել էինք, որ ոստիկանության տարածած հաղորդագրությունն առ այն, որ մայիսի 18-ին, ժամը 22.35-ին, ոստիկանության Արտաշատի բաժին «Արտաշատ» բժշկական կենտրոնից հաղորդում է ստացվել, որ թունավորում չճշտված ախտորոշմամբ 14 երեխա է հիվանդանոց ընդունվել:

Ոստիկանության Արտաշատի բաժնի ծառայողները պարզել են, որ երեխաները Արտաշատի մանկապարտեզներից մեկի սաներն են, տուն վերադառնալուց հետո նրանց մոտ սննդային թունավորման ախտանիշներ են հայտնաբերվել, և նրանք տեղափոխվել են հիվանդանոց:
 

Auroranews-ը կապել է հաստատել «Արտաշատ» բժշկական կենտրոն, որտեղից Մոր և մանկան գծով փոխտնօրեն, բժիշկ Գրիգոր Շադյանը մեզ փոխանցեց, որ  հիվանդանոց տեղափոխված երեխաների թիվն արդեն 16 է, և նրանք` բոլորը,  նույն մանկապարտեզից են: 

«Երեխաներից մի մասի վիճակը  ծանր և մի մասինը միջին ծանրության , նրանց վիճակն անընդհատ փոփոխվում է»- նշել է Շադյանը` հավելելով, որ երեկվանից մինչև այսօր նրանք գալիս են բժշկական կենտրոն` գանգատվելով գլխապտույտից, թուլությունից, անզուսպ փսխումներից և քնկոտությունից: 

Բժիշկը, սակայն, չնշեց` ինչ սննդից է թունավորում առաջացել, ասաց, որ այդ հարցին կպատասախանի Հիվանդությունների վերահսկման ազգային կենտրոնը: 

Նշենք, որ հանգամանքները պարզվում են: Կազմված փաստաթղթերն ուղարկվել են Արարատի մարզային քննչական վարչություն: