Ղրիմը կընդլայնի Ուկրաինայի նկատմամբ պահանջների ցանկը. Վլադիմիր Կոնստանտինով
Ղրիմը կընդլայնի Ուկրաինայի նկատմամբ պահանջների ցանկը, փոխհատուցման վճարման պահանջներին կավելացվի ահաբեկչությունների հետևանքով թերակղզուն հասցված վնասը։ Տեղեկությունը ՌԻԱ Նովոստիին է հայտնել Ղրիմի խորհրդարանի ղեկավար Վլադիմիր Կոնստանտինովը:
Ավելի վաղ հայտնի էր դարձել, որ հանրապետության իշխանությունները պատրաստում են առաջին հայցը. փաստաթղթերը հաստատում են Ուկրաինայի կողմից թերակղզու ջրային շրջափակումից բյուջեին հասցված վնասը: Այլ շրջափակումների (այդ թվում՝ էներգետիկ և տրանսպորտային) հասցրած վնասի հաշվարկման աշխատանքները շարունակվում են։
«Անշուշտ, աշխատանքային խումբը շարունակում է իր գործունեությունը։ Մենք նախատեսում ենք ավելացնել նոր պահանջներ, գնահատել Ղրիմին հասցված վնասը նախևառաջ ահաբեկչական գործողությունների հետևանքով. Կիևի հանցագործներն արդեն չեն էլ թաքցնում, որ մասնակցում են դրանց։ Այս ամենը կգնահատվի: Կգա պահը, և մեր պահանջներն ամբողջությամբ կներկայացվեն նրանց», - նշել է Կոնստանտինովը։
