Չեխիայի նախագահը մոտոցիկլետով մեկնել է Գերմանիա՝ փառատոնի
Չեխիայի նախագահ Պետր Պավելն իր մոտոցիկլետով այցով մեկնել է Գերմանիայի Բավարիայի դաշնային երկրամաս, որտեղ այսօր սկսվում է չեխ-բավարական բարեկամության փառատոնը: Այս մասին հայտնում է «Արմենպրես»-ը` հղում անելով ТАСС գործակալությանը:
Փառատոնի բացման արարողությանը, որը տեղի կունենա այսօր Չեխիայի սահմանի մոտ գտնվող Զելբ քաղաքում, ներկա կլինի Բավարիայի վարչապետ Մարկուս Զյոդերը։
Պավելը, որն այս տարի կդառնա 62 տարեկան, ակտիվորեն զբաղվում է մոտոսպորտով:
