Ծննդյան նվեր ստացած դրոնը մեկ ժամով փակել է Լոնդոնի օդանավակայաններից մեկը
Խուճապ է սկսվել «Gatwick» օդանավակայանում (Լոնդոն, Անգլիա), երբ երկնքում նկատվել է կասկածելի անօդաչու թռչող սարք։ Այս մասին գրում է 120.su-ն:
Օդանավակայանը ստիպված է եղել մեկ ժամով փակվել: Պարզվել է, որ հայրը որդու հետ անօդաչու թռչող սարք է բաց թողել այգում, նույնիսկ չի էլ կասկածել, որ ինքն ու երեխան հսկայական վնաս են հասցրել օդանավակայանին։
Տղամարդը սոցցանցերում գրել է, որ իր որդին, ով իր ծննդյան օրը անօդաչու թռչող սարք է ստացել, փորձել է կառավարել սարքը, սակայն չի կարողացել, այդ պատճառով անօդաչու սարքը թռել է անհայտ ուղղությամբ։
Ոստիկանությունը արտասովոր դեպքը փոխանցել է օդանավակայանի ղեկավարությանը։
