Շվեդական ճանապարհորդական ակումբը ներգրավված է բռնապետության քարոզչության մեջ
Շվեդական ճանապարհորդական ակումբը ներգրավված է բռնապետության քարոզչության մեջ: Գրում է Blankspot շվեդական թերթը: Մայիսի 10-ից 14-ն ընկած ժամանակահատվածում շվեդական ակումբ 100-ի մոտ 25 անդամներ պետական հովանավորությամբ մեկնել են Ադրբեջան և Լեռնային Ղարաբաղի այն հատվածները, որոնք Ադրբեջանը օկուպացրել է 2020 թվականի պատերազմից հետո:
Լրատվամիջոցը ճամփորդության մասին փորձել է զրուցել խմբի անդամների հետ, սակայն նրանք հորդորել են դիմել իրենց ղեկավարին: Նա եւս հրաժարվել է պատասխանել շրջագայությունների հարցին էթնիկ տեսանկյունից և գրել, որ ակումբը երբեք չի թելադրել, թե ուր գնալ, դրանք լիովին անհատական որոշումներ են։ Նա նաև նշել է, որ հրաժարվում է հետագա շփվելուց:
Ուղևորության մասնակիցներից և ոչ մեկը չի համաձայնել հրապարակայնորեն խոսել, այն դեպքում երբ նրանք բավականին շատախոս էին ադրբեջանական լրատվամիջոցների առջև:
Blankspot-ը առաջին անգամ չէ, որ գրում է Ադրբեջան վճարովի ուղեւորությունների մասին։ «Լրագրողներ առանց սահմանների» կազմակերպությունը Ադրբեջանին ներառել է աշխարհի 30 երկրների ցանկում, որտեղ գործնականում բացակայում է լրատվամիջոցների ազատությունը։ Այլ կերպ ասած, Ադրբեջանի ԱԳՆ-ի և ԶԼՄ-ների հարաբերությունները դժվար թե կարելի է ալտրուիստական անվանել։
Այս անգամ ուշագրավն այն է, որ ճամփորդությունը նախատեսված էր զբոսաշրջիկների համար:
