Ֆինլանդիան սառեցրել է ռուս օլիգարխ Արկադի Ռոտենբերգի հաշիվը
Հելսինկիի քաղաքային վերաքննիչ դատարանը չեղյալ է համարել ստորադաս դատարանի որոշումը և թույլ է տվել ռուս օլիգարխ Արկադի Ռոտենբերգի ընկերության 1,3 միլիոն եվրո հաշվի սառեցումը։ Խոսքը գնում է ֆիննական ընկերության հետ Դուբայից հանքային պարարտանյութեր գնած գործարքի մասին։
Գումարը, ըստ Ֆինլանդիայի ԱԳՆ-ի, նախատեսված է եղել «ԵՄ պատժամիջոցների ցուցակում ընդգրկված ռուս օլիգարխի համար», հաղորդում են ֆիննական լրատվամիջոցները։
Ֆին լրագրողների ներկայացման մեջ պատմությունն այսպիսի տեսք ունի՝ ֆիննական մի ընկերություն պարարտանյութեր է գնել Դուբայում գրանցված Agricultural Minerals DMCC ընկերությունից։ Գործարքը կազմել է գրեթե 324.000 եվրո։ Agricultural Minerals DMCC ընկերության մեծամասնությունը պատկանել է ռուս օլիգարխ Արկադի Ռոտենբերգին:
Դեռեւս 2021թ. հոկտեմբերին դատարանը կալանք էր դրել 323 հազար եվրոյի վրա հօգուտ Դուբայի Agricultural Minerals DMCC-ի, քանի որ որոշել էր, որ Ռոտենբերգը դրանց հանդեպ ուղիղ կամ անուղղակի հասանելիություն է ունեցել։
Որպես ապացույց ընդունվել է ԶԼՄ-ների հետաքննությունը, որը ցույց է տվել, որ Դուբայի ընկերությունն իրականում գործել է ռուսական «Մինուդոբրենիա» բաժնետիրական ընկերության անունից, որը ենթակա է Ռոտենբերգին։
Չնայած վերաքննիչ դատարանը դիմել է Agricultural Minerals-ին՝ խնդրելով փաստաթղթեր ներկայացնել այն մասին, որ փողերը չեն փոխանցվի պատժամիջոցների տակ գտնվող անձին կամ չեն օգագործվի նրա կողմից, այդպես էլ դրանք չեն ստացվել։
