Գերմանիայի իշխանությունները համաձայնել են Ուկրաինային տրամադրել 2,7 միլիարդ եվրոյի (մոտ 3 միլիարդ դոլար) լրացուցիչ սպառազինություն, ինչը կլինի Բեռլինից ստացվող ռազմական օգնության ամենամեծ փաթեթը, գրում է Spiegel ամսագիրը՝ հղում անելով սեփական տեղեկատվությանը։

Նրա խոսքով՝ կանցլերի գրասենյակը և այլ գերատեսչություններ գաղտնի բանակցությունների ընթացքում պայմանավորվել են, որ առաջիկա շաբաթներին և ամիսներին Ուկրաինան Գերմանիայից կստանա «մոտ 2,7 միլիարդ եվրոյի հավելյալ զենք»։

Նշվում է, որ Գերմանիայի կառավարությունը նախատեսում է Ուկրաինային փոխանցել 20 Marder հետևակի մարտական ​​մեքենա, 30 Leopard 1 տանկ և մինչև 200 հետախուզական անօդաչու թռչող սարք։ Բացի այդ, նախատեսվում են Gepard ինքնագնաց զենիթային համալիրի, լրացուցիչ IRIS-T հակաօդային պաշտպանության համակարգերի, ինչպես նաև լրացուցիչ հրետանային զինամթերքի և մեքենաների մատակարարումներ։