ՆԱՏՕ-ն նախապատրաստվում է իր տարածքում լայնածավալ պաշտպանական գործողությունների

ՆԱՏՕ-ի նոր տարածաշրջանային ծրագրերը կպահանջեն այնպիսի կատարելագործում հրամանատարության և վերահսկման կառույցներում, որոնք դաշինքը կվերակենտրոնացնեն իր տարածքում լայնածավալ գործողությունների վրա, ասել է Եվրոպայի դաշնակից ուժերի գերագույն հրամանատար Քրիստոֆեր Կավոլին: 

«Մեր տարածաշրջանային պլանները աշխարհագրորեն ուղղված են պաշտպանելու ՆԱՏՕ-ի տարածքի որոշակի հատվածներ: Դրանք համատեղում են առաջնագծում գտնվող երկրների ազգային պաշտպանության պլանները ՆԱՏՕ-ի պլանների հետ, դրանով իսկ օպտիմալացնելով դաշինքի կարողությունը ճիշտ ժամանակին իր ուժերը ճիշտ վայր տեղափոխելու հարցում»,- ասել է ամերիկացի գեներալը չորեքշաբթի օրը Բրյուսելում ՆԱՏՕ-ի ռազմական կոմիտեի՝ կազմակերպության երկրների շտաբների ղեկավարների մակարդակով նիստից հետո կայացած մամուլի ասուլիսում։ 

Այս փոփոխությամբ նրա խոսքերով, «դաշինքը, որը կենտրոնացած է եղել ՆԱՏՕ-ի տարածքներից դուրս ճգնաժամային կառավարման գործողությունների վրա, կվերածվի դաշինքի, որը հարմարեցված է լայնածավալ ռազմական գործողություններին և իր տարածքի յուրաքանչյուր քառակուսի սանտիմետրի պաշտպանությանը»: 

«Սա է մեզանից պահանջում նոր իրականությունը»,- ընդգծել է ՆԱՏՕ-ի եվրոպական ուժերի գերագույն հրամանատարը։