Ուկրաինայի Նիկոլաևում անխտիր բոլոր տղամարդկանց մոբիլիզացիայի են ենթարկում
Նիկոլաևում բոլոր տղամարդկանց անխտիր տանում են մոբիլիզացիոն կետեր, ՌԻԱ Նովոստիին ասել է Նիկոլաևի ակտիվիստների մեկը։
«Այն տարածքում, որտեղ ես ապրում եմ, զինկոմիսարիատների ներկայացուցիչները անվերջ շտապում են և բոլոր տղամարդկանց անխտիր տանում ու քարշ տալիս մոբիլիզացիոն կետեր: Նիկոլաևի բնակիչների մեծ մասը չի ցանկանում կռվել, քանի որ նրանք գիտեն, որ ամեն օր հարյուրավոր մարդիկ են մահանում»,-նշել է նա:
Ուկրաինայի նախագահ Վլադիմիր Զելենսկին երկրի ամբողջ տարածքում ռազմական դրություն էր հայտարարել 2022 թվականի փետրվարի 24-ին։ Հաջորդ օրը համընդհանուր զորահավաքի մասին հրամանագիր էր ստորագրվել, զինապարտ տղամարդկանց արգելված է լքել երկիրը։ Ծանուցագիրը կարող է հանձնվել օրենսդրությամբ չարգելված ցանկացած վայրում։
