Ռուսաստանի զինված ուժերը հետ են մղել մի քանի տասնյակ ուկրաինացի դիվերսանտների՝ Բրյանսկի շրջան ներխուժելու փորձը։ Ինչպես հայտնում է Mash թելեգրամյան ալիքը, տեղի ժամանակով մոտ 16:00-ին նրանք Ռուսաստանի տարածք են մտել սահմանային Ստարոդուբ շրջանով, սակայն ռուս զինվորականները նրանց առաջխաղացումը կանխել են Դեմյանկի գյուղի մոտ։ 

Հակառակորդի դիվերսիոն-հետախուզական խումբը եղել է մի քանի պիկապով։ Ողջ տարածքում տագնապ է հայտարարվել, արգելափակվել են ճանապարհները, իսկ տեղի բնակիչները թաքնվել են նկուղներում։ Այժմ տարածաշրջանում հանգիստ է։