ՏԵՍԱՆՅՈՒԹ. Ոստիկանները բերման ենթարկեցին բողոքի ակցիա անող քաղաքացիներից մեկին

Քիչ առաջ ոստիկանները կառավարության շենքի մոտ բողոքի ակցիա անող քաղաքացիներից մեկին բերման ենթարկեցին։ 

Հայտնել էինք, որ Կառավարության շենքի մոտ բողոքի ակցիա է. զոհված զինվծառայողների ծնողները, ընդդիմադիր հասարակական գործիչները, դժգոհ են Լեռնային Ղարաբաղի հարցում կառավարության քաղաքականությունից, Բաքվի և Անկարայի հետ հարաբերությունների կարգավորումից։

 Ակցիայի մասնակիցները կարմիր ներկ են լցրել պետական ​​պաշտոնյաների, մասնավորապես՝ վարչապետի և նրա կնոջ լուսանկարների վրա և խոստացել «հայկական Նյուրնբերգ»։ Ցուցարարները ձեռքում են զոհված զինվորների լուսանկարները, հայկական քաղաքների ու գյուղերի անուններով պաստառներ, որոնց մի մասը 44-օրյա պատերազմից հետո անցել է Ադրբեջանի վերահսկողության տակ, իսկ մի քանիսն էլ այսօր վտանգի տակ են։