Իրանը ուրան է կուտակել 5 միջուկային ռումբի համար. Իսրայելի ՊՆ
Իրանը այնքան ուրան է կուտակել, որքան անհրաժեշտ է 5 միջուկային ռումբի համար: Այս մասին Աթենք այցի ընթացքում հայտարարել է Իսրայելի պաշտպանության նախարար Յոավ Գալանտը, գրում է The times of Israel-ը։
«Իրանը չի բավարարվի 1 միջուկային ռումբով: Մինչ այժմ Իրանը ձեռք է բերել 20% և 60% հարստացված նյութեր հինգ միջուկային ռումբերի համար»,- ասել է նա հույն գործընկեր Նիկոլաոս Պանայոտոպուլոսին:
Ենթադրվում է, որ Իրանը դեռևս չի հարստացրել ուրանը մինչև 90%, որը անհրաժեշտ է միջուկային զենքի համար, բայց ցանկության դեպքում կարող է գնալ այդ քայլին։
