Այսօր կկայանա Միրզոյանի ու Բայրամովի բանակցությունների եզրափակիչ փուլը
Վաշինգտոնում կանցկացվի Հայաստանի և Ադրբեջանի արտգործնախարարներ Արարատ Միրզոյանի ու Ջեյհուն Բայրամովի բանակցությունների եզրափակիչ փուլը ԱՄՆ պետքարտուղար Էնթոնի Բլինկենի մասնակցությամբ: Տեղեկությունը հայտնում է ԱՄՆ-ի Պետական դեպարտամենտը։
Հանդիպման մեկնարկը կլինի Երևանի ժամանակով ժամը 21.45-ին։
Նշենք, որ մայիսի 1-ին ԱՄՆ մայրաքաղաք Վաշինգտոնում կայացել է ՀՀ ԱԳ նախարար Արարատ Միրզոյանի, ԱՄՆ նախագահի՝ ազգային անվտանգության հարցերով խորհրդական Ջեյք Սալիվանի և Ադրբեջանի ԱԳ նախարար Ջեյհուն Բայրամովի եռակողմ հանդիպումը:
