ՏԵՍԱՆՅՈՒԹ․ Ավազի փոթորիկ՝ ԱՄՆ-ում․ կա 6 զոհ, առնվազն 30 վիրավոր
ԱՄՆ-ի Իլինոյս նահանգում ավազե փոթորիկի ժամանակ ավտովթարների հետևանքով 6 մարդ է զոհվել և առնվազն 30-ը վիրավորվել։ Այս մասին գրում է Reuters-ը՝ նահանգի ոստիկանությանը հղումով։
Տեղական ժամանակով 11:00-ից հետո (Երևանի ժամանակով 20:00-ին) Իլինոյսի հարավի մայրուղիներից մեկում խոշոր վթար է տեղի ունեցել։ Գործակալության տվյալներով՝ բախվել են 40-ից 60 ավտոմեքենաներ եւ մի քանի բեռնատարներ։
Մոտ 30 մարդ վնասվածքներով տեղափոխվել է տեղի հիվանդանոցներ։ Մահացածների ստույգ թիվը չի նշվում։
Հայտնի է, որ երկու բեռնատար է այրվել։ Վթարից մի քանի ժամ անց երթուղին երկու ուղղություններով փակվել է։
