Ուկրաինական զորքերը հակագրոհներ են իրականացրել Բախմուտում
Ուկրաինական զորքերը փորձել են հակագրոհներ իրականացնել Բախմուտի որոշ շրջաններում, տեղեկացրել է Ուկրաինայի ցամաքային զորքերի հրամանատար, գեներալ-գնդապետ Ալեքսանդր Սիրսկին։ Նա հայտնել է, որ բախմուտյան ուղղությամբ շարունակվում են ինտենսիվ մարտական գործողությունները։
«Թշնամին բազմաթիվ գրոհներ է իրականացրել՝ փորձելով ճեղքել մեր դիրքերի պաշտպանությունը մի քանի ուղղղություններով»,- ասել է Սիրսկին։
Սիրսկին նաև տեղեկացրել է, որ Լիմանի ուղղությամբ ուկրաինացի զինվորականները վերջին մի քանի օրերի ընթացքում հետ են մղել ռուսների բազմաթիվ գրոհները։ Այս մասին գրում է Military Media Center թելեգրամյան ալիքը:
