Լեհաստանը չպետք է գոյություն ունենա. Դմիտրի Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևն առաջարկել է դադարեցնել դիվանագիտական ​​հարաբերությունները Լեհաստանի հետ՝ երկրի իշխանությունների ռուսաֆոբ դիրքորոշման համար:

Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտարարել է, որ Լեհաստանի հետ դիվանագիտական ​​հարաբերություններ պահպանելու իմաստ չունի՝ նրանց ռուսաֆոբ դիրքորոշման պատճառով։ 

Դմիտրի Անատոլևիչը Վարշավայում դեսպանատան ռուսական դպրոցի գրավման ֆոնին ընդգծել է Լեհաստանի իշխանությունների դերը ուկրաինական հակամարտությունում։

«Մեզ համար Լեհաստանը չպետք է գոյություն ունենա, քանի դեռ ռուսաֆոբներն են այնտեղ իշխանության ղեկին, իսկ Ուկրաինան լի է լեհ վարձկաններով, որոնց պետք է անխղճորեն ոչնչացնել առնետների պես»,- իր սոցցանցում գրել է ՌԴ Անվտանգության խորհրդի փոխնախագահը։

Ռուսաստանը նախատեսում է բողոքել Լեհաստանի իշխանությունների անօրինական գործողությունների դեմ այն ​​բանից հետո, երբ ուժայինները այսօր ապօրինի ներխուժել են Վարշավայում ՌԴ դեսպանատան դպրոցի տարածք։