ՏԵՍԱՆՅՈՒԹ․ Մեր դպրոցներում և հիվանդանոցներում ամեն ինչ պետք է լինի նորը․ Փաշինյանը Տավուշում է
Շարունակվում է վարչապետ Նիկոլ Փաշինյանի այցը Տավուշի մարզ: Առավոտյան նա այցելել է Նոյեմբերյան, որտեղ ծանոթացել է տեղի բժշկական կենտրոնի մանկական և ինֆեկցիոն բաժանմունքների կառուցման աշխատանքների ընթացքին: Այս մասին վարչապետը գրառում է կատարել ֆեյսբուքյան իր էջում:
«Ծրագիրը, որն ավարտին կհասցվի 2024 թվականի սկզբին, իրականացնում է «Հայաստան» համահայկական հիմնադրամը, ընդհանուր արժեքը կազմում է 115 մլն դրամ։ Կառավարությունն իր հերթին բաժանմունքները կապահովի նոր գույքով:
Հաջորդիվ ծանոթացա Նոյեմբերյանի փողոցներից մեկում սուբվենցիոն ծրագրի շրջանակում իրականացված 200 մետր երկարությամբ փողոցի տուֆապատման աշխատանքներին: Ծրագրի իրականացման համար հատկացվել է 29 մլն դրամ, որից 19 մլն-ը՝ պետբյուջեից»,-գրել է նա:
