ՏԵՍԱՆՅՈՒԹ. Ֆրանսիայի արտգործնախարարը Ջերմուկում է
Ֆրանսիայի արտգործնախարարը Կատրին Կոլոննան Ջերմուկում է: Այս մասին հաղորդում է «Արմենպրես»-ը:
Հայաստանի զինված ուժերի գլխավոր շտաբի պետ Էդվարդ Ասրյանը բարձր է գնահատել Եվրամիության դիտորդական առաքելության աշխատանքը Հայաստանում։
«Միանշանակ, ես բարձր եմ գնահատում Եվրամիության դիտորդական աշխատանքը Հայաստանի Հանրապետությունում։ Այդ աշխատանքով Ադրբեջանի զինված ուժերը իրենց առավել զսպված են զգում։ Այնպես որ շատ լավ է ստացվում աշխատանքը Հայաստանի սահմանների երկայնքով»,- ասել է Ասրյանը։
Ֆրանսիայի արտաքին գործերի նախարարն էլ նշել է, որ Հայաստանի և ԵՄ դիտորդական առաքելության համագործակցությունը շատ դրական է․
«Մեզ համար դրական արդյունքներ է տալիս այդ աշխատանքը։ Այն մեզ հնարավորություն է տալիս դիտորդական աշխատանքի շնորհիվ տեղից տեղեկություններ ստանալ, որոնք օգտակար են ԵՄ անդամ պետությունների համար։ Սա դիտորդական առաքելություն է, զինված առաքելություն չէ, նպատակը պարզապես հետևելն է իրավիճակին, սակայն ամեն դեպքում այդ ներկայությունը հնարավորություն է տալիս լարվածությունը թուլացնել»,- ասել է Կատրին Կոլոնան։
Մանրամասները` տեսանյութում:
Հիշեցնենք, որ Ֆրանսիայի արտգործնախարար Կատրին Կոլոննան Բաքվում Իլհամ Ալիևի հետ բանակցություններ վարելուց հետո ժամանել է Հայաստան:
