ՏԵՍԱՆՅՈՒԹ․ Յակուտիայում դեռահասները մաչետեով հարձակվել են որդուն պաշտպանելու եկած տղամարդու վրա
Յակուտիայում դեռահասները մաչետեով հարձակվել են տղամարդու վրա, որն իրենց է մոտեցել որդուն պաշտպանելու համար։
Տղամարդը պատուհանից տեսել է, թե ինչպես են երկու պատանիներ հարձակվում իր որդու վրա, ինչից հետո նա մոտեցել է նրանց։ Նշվում է, որ սկզբում պատանիները փախուստի են դիմել, սակայն տղամարդուն հաջողվել է հասնել նրանցից մեկին, որն էլ մաչետեով հարվածներ է հասցրել վերջինիս։
Այժմ տղամարդը ծանր վիճակում գտնվում է հիվանդանոցում։ 17-ամյա հարձակվողը, ով սովորում է բժշկական քոլեջի առաջին կուրսում, արդեն կալանավորվել է։ Հարուցվել է քրեական գործ՝ մահափորձի հատկանիշներով։
