Փաշինյանը կհանդիպի Ազատ գյուղի զինվորական կացարանում զոհված 15 զինծառայողների ծնողներին․ Նորիկյան

Ապրիլի 27-ին տեղի կունենա վարչապետ Նիկոլ Փաշինյանի և Ազատ գյուղի զինվորական կացարանում զոհված 15 զինծառայողների ծնողների հանդիպումը։ Այս մասին հայտնում է տուժողների իրավահաջորդների ներկայացուցիչ Նորայր Նորիկյանը։

Հանդիպումը լինելու է փակ, որին մասնակցելու են բացառապես զոհված զինծառայողների ծնողները։

Հիշեցնենք, որ Ազատ գյուղի զինվորական կացարանում հունվարի 19-ի հրդեհից զոհված15 զինծառայողների ծնողերն օրեր առաջ  փակել էին կառավարության շենքին հարակից Տիգրան Մեծ պողոտան, այնուհետև Ամիրյան փողոցը՝ պահանջելով հանդիպում վարչապետ Նիկոլ Փաշինյանի և պաշտպանության նախարար Սուրեն Պապիկյանի հետ։