Շումախերի հետ կեղծ հարցազրույց հրապարակելու համար խմբագիրն ազատվել է աշխատանքից

Գերմանական Die Aktuelle ամսագրի գլխավոր խմբագիր Անն Հոֆմանը հեռացվել է աշխատանքից՝ մրցարշավորդ Միխայել Շումախերի հետ կեղծ հարցազրույց հրապարակելու համար: 

Funke Mediengruppe հրատարակչության մամուլի ծառայությունը հայտնում է, որ հարցազրույցը ստեղծվել է արհեստական ​​ինտելեկտի միջոցով։ 

«Այս անճաշակ ու ապակողմնորոշիչ հոդվածը երբեք չպետք է հայտնվեր։ Սա ոչ մի կերպ չի համապատասխանում լրագրության այն չափանիշներին, որոնք մենք և մեր ընթերցողները ակնկալում էին Funke նման հրատարակիչից»,- ասված է հաղորդագրությունում :

Հարցազրույցը հրապարակվել է այս շաբաթ Die Aktuelle-ում։ 2013 թվականից Շումախերը գլխի ծանր վնասվածքից հետո հանրությանը չի երևացել և ընդգծվել է, որ սա բացառիկ հարցազրույց է։ Փաստորեն, տեքստը բաղկացած է եղել կեղծ մեջբերումներից։ Հոդվածը նվիրված էր վթարից հետո նախկին մրցարշավորդի ընտանեկան կյանքին և նրա առողջությանը։

Պարբերականը միաժամանակ նշել է, որ հոդվածի աղբյուրը «արհեստական ​​ինտելեկտի հետ կապված» կայք է։ Բայց միայն տեքստի վերջում պարզ դարձել, որ այն ամբողջությամբ գեներացվել է նեյրոնային ցանցի կողմից։ 

Շումախերի ընտանիքը պատրաստվում է դատի տալ ամսագրին։