ՏԵՍԱՆՅՈՒԹ․ Ուժգին փոթորիկ՝ Քահրամանմարաշում․ կան զոհ և վիրավորներ
Թուրքիայի Քահրամանմարաշ քաղաքին կործանարար երկրաշարժից հետո ուժեղ փոթորիկ է պատուհասել։ Այս մասին գրում են տեղի ԶԼՄ-ները։
Նշվում է, որ փոթորկի հետևանքով տուժել է 40 մարդ։ Որոշ ԶԼՄ-ներ հայտնում են առնվազն 1 զոհի մասին։ Բացի դա, վնասվել են ավերիչ երկրաշարժերից տուժածների համար տեղադրված տասնյակ վրաններ։
Հիշեցնենք` փետրվարի 6-ին Քահրամանմարաշում երկու երկրաշարժ է տեղի ունեցել՝ ավելի քան յոթ բալ ուժգնությամբ: Ավերիչ երկրաշարժերի զոհերի թիվը գերազանցել է 43,5 հազարը։
