Լուրերը մեկ տողով. Իրան–ԱՄՆ–Իսրայել դիմակայությունը սրվում է,զոհեր և միջազգային արձագանքներ

• Հաղորդվում է Իրանի գերագույն առաջնորդի պալատի ոչնչացման մասին․ հարձակման պահին նա այնտեղ չի գտնվել։ Տարածվել է նաև նստավայրի արբանյակային լուսանկարը հարվածից հետո։

• Իրանի Մինաբ քաղաքում իսրայելական հարվածի հետևանքով տարրական դպրոցում զոհերի թիվը հասել է 40-ի, կան տասնյակ վիրավորներ։ Նախկինում նշվել էր, որ դպրոցը նախատեսված է եղել աղջիկների համար։

• Հորդանանում այրվում է ամերիկյան ռազմական ավիաբազան։ Էրբիլում հրթիռակոծվել է ԱՄՆ գլխավոր հյուպատոսությունը։

• Քաթարը իրանական հարվածը հայտարարել է անօրինական և չի բացառել ռազմական պատասխան։ ԱՄԷ-ում հրթիռակոծության հետևանքով կա զոհ, երկիրը ևս հայտարարել է պատասխանելու իրավունքի մասին։

• Իրաքյան պրոիրանական շիա խմբավորումը հայտարարել է, որ պատրաստվում է հարվածել ամերիկյան բազաներին։ Լիբանանյան կառույցը առայժմ չի արձագանքել։

• Իրանը հայտարարել է ԱՄՆ օբյեկտների դեմ հարվածների ընդլայնման մասին՝ խոսելով լայնածավալ գործողությունների մեկնարկի մասին։ Տարածվում են տեղեկություններ նաև իրանցի բարձրաստիճան հրամանատարների զոհվելու մասին։

• Մերձավոր Արևելքում լարվածության պատճառով մի շարք երկրների ավիաընկերություններ չեղարկել են տարածաշրջանային չվերթները։ Միաժամանակ հաղորդվում է Իրանի օդային տարածքում նկատված քաղաքացիական ինքնաթիռի մասին։

• Ռուսաստանը կոչ է արել վերադառնալ դիվանագիտական ուղուն և հայտարարել է, որ էսկալացիայի պատասխանատվությունը կրում են ԱՄՆ-ն ու Իսրայելը։ Մոսկվան նաև իր քաղաքացիներին խորհուրդ է տվել Իրանից դուրս գալ Ադրբեջանով։

• Եվրամիությունը լուրջ մտահոգություն է հայտնել և ընդգծել միջուկային անվտանգության ու դիվանագիտական լուծումների կարևորությունը։

• Հայաստանում եղանակային վատ պայմանների պատճառով ժամանակավորապես դադարեցվել է բեռնատարների երթևեկությունը Ջաջուռի հատվածում։ Մյուս միջպետական և հանրապետական ճանապարհները բաց են։