ՏԵՍԱՆՅՈՒԹ․ Հրդեհներ և բախումներ Փարիզում․ ինչ է կատարվում
Ֆրանսիայի Սահմանադրական խորհրդի որոշումը` օրինական ճանաչել կենսաթոշակային բարեփոխումների նախագիծը, Փարիզում հերթական թեժ բողոքի ակցիաների պատճառ է դարձել, գրում է РИА Новости-ն։
Ցուցարարները նախ հավաքվել են Փարիզի քաղաքապետարանի դիմաց, ապա ցրվել քաղաքով մեկ։ Նրանք շրջել են փողոցներով, այրել աղբամանները, կոտրել խանութների ցուցափեղկերը։
Ոստիկանությունն արցունքաբեր գազ է կիրառել ցուցարարների նկատմամբ։ Մի քանի խաչմերուկներում ոստիկանները օղակի մեջ են վերցրել ցուցարարներին՝ արգելափակելով նրանց շարժը: Բռնկված հրդեհները մարելու համար հրշեջ բրիգադներ են աշխատել։
