ՏԵՍԱՆՅՈՒԹ․ Կրկնակի ահաբեկչություն՝ Թել Ավիվում․ կան զոհ և վիրավորներ
Թել Ավիվում կրկնակի ահաբեկչություն է տեղի ունեցել, ինչի հետևանքով զոհ և ծայրահեղ ծանր վիճակում տուժածներ կան, նախ մեքենան վրաերթի է ենթարկել հետիոտներին, ապա մեկ այլ մարդ կրակ է բացել անցորդների վրա, գրում է The Jerusalem Post-ը։
Ուրբաթ՝ ժամը 21:50-ի սահմաններում, Իսրայելի ոստիկանության մամուլի ծառայությունը հայտնել է Թել Ավիվի Քոյֆման փողոցում կրակոցների մասին։
Հինգ րոպե անց պարզաբանում է տարածվել, ըստ որի՝ Թել Ավիվում մեքենան վրաերթի է ենթարկել անցորդներին։ Վարորդը վնասազերծվել է։
Նախնական տվյալներով՝ ահաբեկչի վարած մեքենան Քոյֆման փողոցում վրաերթի է ենթարկել մի խումբ մարդկանց, ինչից հետո շրջվել է։ Magen David Adom շտապօգնության ծառայությունը հայտնում է մեկ զոհի և վեց վիրավորի մասին։
