Ֆինլանդիայի ՆԱՏՕ-ի անդամ դառնալը մեծացնում է Եվրոպայում առճակատումների առաջացման ռիսկերը. Global Times
Եվրոպայի անվտանգության տարածաշրջանը էլ ավելի անկայուն է դարձել, երբ Ֆինլանդիան պաշտոնապես դարձավ ՆԱՏՕ-ի 31-րդ անդամը: Այս մասին հայտնում է Global Time թերթը։
Չինացի փորձագետների կարծիքով, այս քայլը «Ֆինլանդիային առաջնագիծ է բերում Ռուսաստանի հետ առճակատման հարցում և կարող է խրախուսել Մոսկվային ակտիվացնել միջուկային զենքի տեղակայումը»:
Չինական Արտաքին հարաբերությունների համալսարանի Միջազգային հարաբերությունների ինստիտուտի պրոֆեսոր Լի Հայդոնգի խոսքերով, «Ֆինլանդիան կորցրել է Ռուսաստանի և Եվրոպայի միջև կամուրջի իր գործառույթը, ինչն ապացուցում է ֆիննացի որոշում կայացնողների ռազմավարական տեսլականի բացակայությունը»։
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան կարծիք էր հայտնել, որ Ֆինլանդիայի՝ ՆԱՏՕ-ի անդամ երկրի կարգավիճակ ստանալը և Շվեդիայի՝ Դաշինքին անդամակցելու աշխատանքները վերջ են տվել Հյուսիսային Եվրոպայի տարածաշրջանում անվտանգության դարաշրջանին։
Հիշեցնենք, որ ապրիլի 4-ին Ֆինլանդիան պաշտոնապես դարձել է ՆԱՏՕ-ի անդամ:
