«Ֆինլանդիան այժմ ՆԱՏՕ-ում է». Մորավիեցկի
Ֆինլանդիան պաշտոնապես դարձավ ՆԱՏՕ-ի անդամ: Այս մասին Twitter-ի իր միկրոբլոգում գրել է Լեհաստանի վարչապետ Մատեուշ Մորավիեցկին։ Տեղեկատվությունը փոխանցում է lenta.ru-ն:
«Ֆինլանդիան այժմ ՆԱՏՕ-ում է: Շնորհավորում եմ: Այսօրվանից դաշինքը բաղկացած է 31 երկրից»,- նշել է նա։
Մորավեցկին հավելել է, որ ուժեղ գործընկերներն ապահովում են Լեհաստանի և ամբողջ աշխարհի անվտանգությունը: Ընդ որում, դաշինքի կողմից պաշտոնական հայտարարություն դեռ չի ստացվել։
Ֆինլանդիայի ԱԳ նախարարը ստորագրել է ՆԱՏՕ-ին երկրի անդամակցության մասին փաստաթուղթը: Ֆիննական ԶԼՄ-ները նաև հրապարակում են ստորագրված փաստաթղթի լուսանկարը:
