Վաղը բանակցություններ կանցկացվեն ՌԴ-ի, Թուրքիայի, Սիրիայի և Իրանի ԱԳ նխարարների միջև

Երկուշաբթի օրը՝ ապրիլի 3-ին, բանակցություններ կանցկացվեն Ռուսաստանի, Թուրքիայի, Սիրիայի և Իրանի փոխարտգործնախարարների միջև։

Բոլոր պատվիրակություններն արդեն ժամանել են Մոսկվա՝ նախարարների մակարդակով հետագա հանդիպումը մշակելու համար, հայտնում է ՏԱՍՍ-ը։

«Վաղը խորհրդակցություններ կանցկացվեն արտգործնախարարների հանդիպման նախապատրաստման շուրջ։ Բոլոր պատվիրակություններն արդեն ժամանել են Մոսկվա»,- ասել է աղբյուրը։

Ավելի վաղ Իրանի ԱԳ նախարար Հոսեյն Ամիր Աբդոլլահեանը Մոսկվայում ՌԴ ԱԳ նախարար Սերգեյ Լավրովի հետ բանակցություններից հետո նշել էր, որ հանդիպման հիմնական նպատակը կլինի «Թուրքիայի և Սիրիայի տեսակետների մերձեցումը»։ 

Իր հերթին, Մերձավոր Արևելքի և Աֆրիկայի հարցերով ՌԴ նախագահի հատուկ ներկայացուցիչ, Ռուսաստանի փոխարտգործնախարար Միխայիլ Բոգդանովը հույս է հայտնել, որ այս «միջնորդական առաքելությունը՝ ուղղված մի շատ կարևոր ռազմավարական նպատակի՝ սիրիա-թուրքական 

հարաբերությունների կարգավորմանը, կավարտվեն ընդհանուր հաջողությամբ»: