ՏԵՍԱՆՅՈՒԹ․ Հրդեհային տորնադո է առաջացել Անդրբայկալի երկրամասում
Անդրբայկալի երկրամասի Զաբայկալսկի շրջանի Ռուդնիկ Աբագայտույ գյուղի մոտ գտնվող տափաստանում բռնկված հրդեհի ժամանակ հրդեհային տորնադո է առաջացել։ Ականատեսի տեսանյութը հրապարակել է Chita.Ru լրատվական գործակալությունը։
«Տեսանյութը պետք է ցուցադրվի ամբողջ Անդրբայկալիայում, որպեսզի մարդիկ իմանան, թե որքան սարսափելի հրդեհները կարող են լինել: Նման տորնադոյի ժամանակ կրակը, ինչպես վառարանում, այրում է ամեն ինչ, խժռում է ամեն ինչ, և դա անհնար է որևէ կերպ կասեցնել», - ասել է ականատեսը:
Տափաստանային հրդեհը մարվել է ապրիլի 2-ի առավոտյան, այն վնաս չի պատճառել բնակարաններին և հովիվների ճամբարներին։
