Իսրայելը ավիահարված է հասցրել Սիրիային
Լույս մարտի 30-ը սիրիական պետական լրատվամիջոցները հայտնել են Դամասկոսի մերձակայքում գտնվող թիրախներին իսրայելական բանակի հերթական ավիահարվածի մասին։ Սիրիայի պետական Sana գործակալությունը պնդում է, որ սիրիական ՀՕՊ-ը հրթիռների մի մասը որսացել է։
Միաժամանակ նշվում է, որ Ալ Միդան շրջանում սիրիացի զինվորականների մեջ կան մի քանի վիրավորներ։
SANA-ն հայտնում է, որ հարձակումը կատարվել է Գոլանի բարձունքների ուղղությամբ: Լոնդոնում տեղակայված Մարդու իրավունքների սիրիական դիտորդական խումբը (SOHR) հայտնում է, որ Իսրայելի պաշտպանության բանակը հարձակվել է Քասիուն լեռան մոտ (Դամասկոսի հյուսիսային արվարձան) ռազմական դիրքերի վրա:
Այս ավիահարվածի հետևանքների մասին տեղեկությունը ճշտվում է։
