Մենք պատրաստ ենք նրան տեսնել այստեղ. Զելենսկին ` Սի Ծինփինի մասին
Ուկրաինայի նախագահ Վլադիմիր Զելենսկին պատրաստակամություն է հայտնել երկրում հյուրընկալել Չինաստանի նախագահ Սի Ծինփինին։
«Մենք պատրաստ ենք նրան տեսնել այստեղ,- ասել է Ուկրաինայի ղեկավարը Associated Press-ին չորեքշաբթի օրը հրապարակված հարցազրույցում,-
Ես ուզում եմ խոսել նրա հետ: Բայց այս ամբողջ տարին, ավելի քան մեկ տարի, ես ոչ մի շփում չեմ ունեցել»։
Գործակալության տվյալներով՝ Վլադիմիր Զելենսկին արդեն հրավեր է ուղարկել Սի Ծինփինին։
Ավելի վաղ Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հայտնել էր, որ նախատեսվում է երկու երկրների ղեկավարների զրույց, սակայն այն կազմակերպելու հարցում որոշակի դժվարություններ կան։ Ուկրաինական կողմը պնդում է, որ այս իրավիճակը ստեղծվել է Չինաստանի դիրքորոշման պատճառով։
