ՏԵՍԱՆՅՈՒԹ. 20 մարդ զոհվել է, 29-ը` վիրավորվել. Սաուդյան Արաբիայում ավտոբուս է վթարի ենթակվել
Սաուդյան Արաբիայի հարավ-արեւմուտքում գտնվող Ասիր նահանգում տեղի ունեցած ճանապարհատրանսպորտային պատահարի հետեւանքով առնվազն 20 մարդ է զոհվել, եւս 29-ը տարբեր աստիճանի վնասվածքներ է ստացել, հաղորդում է Комсомольская правда-ն:
Վթարը տեղի է ունեցել արգելակի անսարքության պատճառով: Կորցնելով կառավարումը՝ ավտոբուսը բախվել է մարդատար ավտոմեքենային, կողաշրջվել եւ այրվել։ Տուժածները տեղափոխվել են հիվանդանոց։ Նրանց մեծ մասը լուրջ այրվածքներ է ստացել։
Ավտոբուսը Մեքքա էր ուղեւորվում Ասիր նահանգի Համիս-Մուշայտից:
