«Մենք ունենք բավականին շահեկան դիրքեր ադրբեջանա-հայկական սահմանի ուղղությամբ»․ Ալիև
Ադրբեջանի նախագահ Իլհամ Ալիևը, ընդունելով Մասիմ Մամեդովին՝ Լաչինի շրջանում նախագահի հատուկ ներկայացուցիչ նշանակվելու կապակցությամբ, հայտարարել է. «Այսօր մենք ունենք բավականին շահեկան դիրքեր ադրբեջանա-հայկական սահմանի ուղղությամբ, մենք ամրապնդվում ենք այդ դիրքերում և մնալու ենք այդ դիրքերում»։
«Իհարկե, Լաչինի շրջանի անվտանգությունն ապահովելու համար արվում են այլ քայլեր, ձեռնարկվում են միջոցառումներ, և այդ միջոցառումները հնարավորություն կտան այնտեղ վերադարձող մեր հայրենակիցներին ապրել հարմարավետ և ապահով»։
