Հնդկաստանը 36 OneWeb կապի արբանյակներով հրթիռ է արձակել
Հնդկաստանի տիեզերական հետազոտությունների կազմակերպությունը կիրակի առավոտյան արձակել է LLVM 3 ծանր հրթիռ՝ OneWeb ընկերության 36 կապի արբանյակներով:
Հրթիռի արձակումը տեղի է ունեցել 09:00-ին (Երևանի ժամանակով 07:30-ին) Սաթիշ Դհավանի անվան տիեզերական կենտրոնից, որը գտնվում է երկրի հարավ-արևելքում՝ Սրիխարիկոտա կղզում: Հնդկական տիեզերական հետազոտությունների կազմակերպությունը YouTube-ի իր ալիքով հեռարձակել է հրթիռի արձակումը:
Այս մեկնարկի միջոցով ուղեծրում կավարտվի OneWeb-ի ավելի քան 600 ցածր ուղեծրային արբանյակների խմբավորման տեղակայումը, որոնք տիեզերքից գերարագ ինտերնետ կտրամադրեն աշխարհի ցանկացած անկյուն: Սա երկրորդ անգամն է, երբ OneWeb-ն օգտագործում է հնդկական տիեզերական հետազոտությունների կազմակերպության ծառայություններն արբանյակներ արձակելու համար: OneWeb-ի 36 արբանյակներից բաղկացած առաջին խմբաքանակը հնդկական հրթիռով ուղեծիր է արձակվել անցյալ տարվա հոկտեմբերի 23-ին:
