ԱՄՆ-ն հատել է պարկեշտության բոլոր սահմանները՝ փորձելով հաստատել իր գերիշխանությունը. Լավրով
Ռուսաստանի արտգործնախարար Սերգեյ Լավրովը կարծում է, որ ԱՄՆ-ն արդեն անցել է պարկեշտության բոլոր սահմանները՝ փորձելով հաստատել իր գերիշխանությունը։ Այս մասին նա հայտարարել է Մոսկվայի «Ռոսիա-1» հեռուստաալիքի եթերում։
ՌԴ ԱԳՆ ղեկավարի խոսքով՝ Վաշինգտոնից ամեն ինչ կարելի է սպասել։
«Նրանք արդեն հատել են պարկեշտության բոլոր սահմանները՝ փորձելով հաստատել իրենց գերիշխանությունը»,- ասել է Լավրովը՝ ընդգծելով, որ դա վերաբերում է դիվանագիտական, էթիկական և այլ ոլորտներին։
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ AUKUS դաշինքի առկայությունը և ՆԱՏՕ-ի երկրների ենթակառուցվածքների ընդլայնումը դեպի Ասիա կարող են երկար տարիներ հանգեցնել առճակատման։
