Երևանն ու Անկարան զբոսաշրջային շրջանից առաջ կբացեն սահմանը երրորդ երկրների քաղաքացիների համար
Թուրքիայի ԱԳ նախարարի հետ վերահաստատել ենք մինչև այս տարվա զբոսաշրջային շրջանի բացումը հայ-թուրքական սահմանը երրորդ երկրների քաղաքացիների և դիվանագիտական անձնագիր կրող անձանց համար բացելու պատրաստակամությունը։
Այս մասին մարտի 23-ին Ազգային ժողովում՝ արտաքին հարաբերությունների մշտական խորհրդարանական հանձնաժողովի արտահերթ նիստում հայտարարել է հանրապետության արտաքին գործերի նախարար Արարատ Միրզոյանը։
«Այս ուղղությամբ հայկական կողմը ներկայումս իրականացնում է ակտիվ աշխատանքներ»,- ասել է նա։
